﻿ܐ ܩܘܪ̈ܢܬܝܐ.
13.
ܐܸܢ ܒܠܸܫܵܢܹ̈ܐ ܕܒܢܲܝ̈ܢܵܫܵܐ ܗܲܡܙܸܡܸܢ ܘܒܕܡܲܠܲܐܟܹ̈ܐ، ܐܝܼܢܵܐ ܚܘܼܒܵܐ ܠܲܝܬ ܠܝܼ، ܗܘܹܐ ܠܝܼ ܐܲܝܟ݂ ܢܚܵܫܵܐ ܕܙܲܡܙܸܡ ܝܲܢ ܨܸܨܠܵܐ ܕܟ̰ܲܢܟ̰ܸܢ. 
ܘܐܸܢ ܗܵܘܹܐ ܠܝܼ ܢܒ݂ܝܼܘܼܬܵ‌ܐ، ܘܝܵܕܥܹܢ ܟܠܵܝܗ‌ܝ ܐܪ̈ܵܙܹܐ ܘܟܠܵܗ̇ ܝܕܵܥܬܵ‌ܐ، ܘܐܸܢ ܗܵܘܹܐ ܠܝܼ ܟܠܵܗ̇ ܗܲܝܡܵܢܘܼܬܵ‌ܐ ܗܵܕܵܐ ܕܡܵܨܹܝܢ ܛܘܼܪ̈ܵܢܹܐ ܫܲܢܹܝܢ، ܐܝܼܢܵܐ ܚܘܼܒܵܐ ܠܲܝܬ ܠܝܼ، ܠܹܐ ܝܘܸܢ ܡܸܢܕܝܼ. 
ܘܐܸܢ ܝܵܗܒܹܢ ܟܠܹܗ ܡܸܢܕܝܼܝܼ ܠܡܸܣܟܹܢܹ̈ܐ، ܘܐܸܢ ܣܲܦܹܝܢ ܦܲܓ݂ܪܝܼ ܕܦܵܐܹܫ ܡܘܼܩܕܵܐ ܐܝܼܢܵܐ ܚܘܼܒܵܐ ܠܲܝܬ ܠܝܼ، ܡܸܢܕܝܼ ܠܹܐ ܝܘܸܢ ܒܸܩܢܵܝܵܐ. 
ܚܘܼܒܵܐ ܝܲܪܝܼܟ݂ܬܵ‌ܐ ܝܠܵܗ̇ ܒܹܐܢܹܗ ܘܡܪܲܚܡܵܢܵܐ ܝܠܹܗ. ܚܘܼܒܵܐ ܠܹܐ ܒܲܚܸܠܔ، ܠܹܐ ܚܵܬܹܪ، ܠܹܐ ܥܵܒܹܕ ܫܘܼܒ݂ܗܵܪܵܐ. 
ܚܘܼܒܵܐ ܠܹܐ ܡܲܢܟܸܦ، ܠܹܐ ܛܵܠܹܒ ܡܸܢܕܝܼ ܕܓܵܢܹܗ، ܠܹܐ ܟܵܪܹܒ، ܠܹܐ ܚܵܫܹܒ݂ ܡܸܢܕܝܼ ܒܝܼܫܵܐ. 
ܚܘܼܒܵܐ ܠܹܐ ܚܵܕܹܐ ܒܥܵܘܠܵܐ ܐܸܠܵܐ ܟܹܐ ܚܵܕܹܐ ܒܫܪܵܪܵܐ. 
ܚܘܼܒܵܐ ܟܹܐ ܩܲܒܸܠܔ ܟܠܔ ܡܸܢܕܝܼ، ܟܹܐ ܗܲܡܸܢ ܒܟܠܔ ܡܸܢܕܝܼ، ܟܹܐ ܦܵܐܹܫ ܒܗܹܒ݂ܝܼ ܥܲܠܔ ܟܠܔ ܡܸܢܕܝܼ، ܟܹܐ ܚܵܡܹܠܔ ܥܲܠܔ ܟܠܔ ܡܸܢܕܝܼ. 
ܚܘܼܒܵܐ ܗܸܟ̃ ܠܹܐ ܢܵܦܹܠܔ. ܢܒ݂ܝܼܵܘܵܬܹ̈‌ܐ ܒܸܬ ܒܵܛܠܝܼ، ܘܠܸܫܵܢܹ̈ܐ ܒܸܬ ܫܵܬܩܝܼ، ܘܝܕܵܥܬܵ‌ܐ ܒܸܬ ܒܵܛܠܵܐ. 
ܣܵܒܵܒ ܚܲܕܟ̰ܵܐ ܟܹܐ ܝܵܕܥܲܚ ܘܚܲܕܟ̰ܵܐ ܟܹܐ ܢܲܒܲܚ. 
ܐܝܼܢܵܐ ܐܝܼܡܲܢ ܕܐܵܬܝܵܐ ܟܵܡܝܼܠܘܼܬܵ‌ܐ، ܗ̇ܝܓܵܗ ܒܸܬ ܒܵܛܹܠܔ ܗ̇ܘ ܕܠܹܐ ܝܗܘܵܐ ܟܵܡܝܼܠܔ. 
ܐܝܼܡܲܢ ܕܝܵܠܵܕ݇ܐ ܝܘܸܢ ܗܘܵܐ ܐܲܝܟ݂ ܝܵܠܵܕ݇ܐ ܟܹܐ ܗܲܡܙܸܡܸܢ ܗܘܵܐ، ܐܲܝܟ݂ ܝܵܠܵܕ݇ܐ ܟܹܐ ܚܵܫܒܹܢ ܗܘܵܐ، ܘܐܲܝܟ݂ ܝܵܠܵܕ݇ܐ ܟܹܐ ܦܲܪܡܹܝܢ ܗܘܵܐ. ܐܝܼܢܵܐ ܐܝܼܡܲܢ ܕܗܘܹܐ ܠܝܼ ܓܲܒ݂ܪܵܐ ܒܘܼܛܠܵܝ ܠܝܼ ܡܸܢܕܝܼܵܢܹ̈ܐ ܕܝܵܠܕ݇ܘܼܬܵ‌ܐ. 
ܣܵܒܵܒ ܐܵܕܝܼܵܐ ܐܲܝܟ݂ ܕܐܸܢ ܚܸܫܟܵܢܵܐ ܒܸܚܙܵܝܵܐ ܝܘܲܚ ܒܢܵܘܪܵܐ، ܐܝܼܢܵܐ ܗ̇ܝܓܵܗ ܒܸܬ ܚܵܙܲܚ ܦܵܬܵ‌ܐ ܓܵܘ ܦܵܬܵ‌ܐ. ܐܵܕܝܼܵܐ ܒܵܨܘܿܪܵܐ ܟܹܐ ܝܵܕܥܹܢ، ܐܝܼܢܵܐ ܗ̇ܝܓܵܗ ܒܸܬ ܝܵܕܥܹܢ ܒܟܵܡܝܼܠܘܼܬܵ‌ܐ ܕܵܐܟ݂ܝܼ ܕܦܝܼܫܵܐ ܝܘܸܢ ܝܕܝܼܥܵܐ ܒܟܵܡܝܼܠܘܼܬܵ‌ܐ. 
ܐܵܕܝܼܵܐ ܐܲܢܹܐ ܬܠܵܬܵ‌ܐ ܟܹܐ ܦܵܝܫܝܼ: ܗܲܝܡܵܢܘܼܬܵ‌ܐ، ܘܗܹܒ݂ܝܼ، ܘܚܘܼܒܵܐ؛ ܐܝܼܢܵܐ ܒܘܼܫ ܓܘܼܪܵܐ ܓܵܘܵܝܗ‌ܝ ܚܘܼܒܵܐ ܝܠܹܗ. 
