﻿ܡܙܡܘܪ̈ܐ.
147.
ܫܲܒܚܘܼܢ ܠܡܵܪܝܵܐ، ܣܵܒܵܒ ܨܦܵܝܝܼ ܝܠܵܗ̇ ܠܸܙܡܵܪܵܐ ܠܐܲܠܵܗܲܢ، ܣܵܒܵܒ ܒܲܣܝܼܡܬܵ‌ܐ ܝܠܵܗ̇؛ ܠܚܝܼܡܬܵ‌ܐ ܝܠܵܗ̇ ܐܸܠܹܗ ܬܸܫܒܘܿܚܬܵ‌ܐ. 
ܒܸܒܢܵܝܵܐ ܝܠܹܗ ܠܐܘܿܪܸܫܠܸܡ ܡܵܪܝܵܐ، ܒܘܼܪ̈ܒܸܙܹܐ ܕܐܝܼܣܪܵܐܹܝܠܔ ܓ̰ܲܡܘܼܥܵܝ ܝܠܹܗ. 
ܟܹܐ ܒܲܣܸܡ ܠܬܒ݂ܝܼܪܹ̈ܐ ܕܠܸܒܵܐ، ܘܟܹܐ ܐܵܣܹܪ ܕܲܪ̈ܒܵܬܵܝܗ‌ܝ. 
ܟܹܐ ܡܵܢܹܐ ܡܸܢܝܵܢܵܐ ܕܟܵܘܟ݂ܒܹ̈ܐ، ܠܟܠܵܝܗ‌ܝ ܟܹܐ ܩܵܪܹܐ ܫܸܡܵܢܹ̈ܐ. 
ܓܘܼܪܵܐ ܝܠܹܗ ܡܵܪܲܢ ܘܪܵܒܵܐ ܚܲܝܠܵܢܵܐ، ܠܦܲܪܡܲܝܬܹܗ ܠܲܝܬ ܬܚܘܼܡܵܐ. 
ܟܹܐ ܣܵܢܹܕ ܡܸܣܟܹܢܹ̈ܐ ܡܵܪܝܵܐ، ܟܹܐ ܡܲܟܸܦ ܪ̈ܲܫܝܼܥܹܐ ܗܲܠܔ ܐܲܪܥܵܐ. 
ܙܡܘܿܪܘܼܢ ܠܡܵܪܝܵܐ ܒܫܲܟܲܪܬܵ‌ܐ، ܙܡܘܿܪܘܼܢ ܠܐܲܠܵܗܲܢ ܒܟܸܢܵܪܵܐ. 
ܗ̇ܘ ܕܟܲܣܹܐ ܫܡܲܝܹ̈ܐ ܒܥܲܝܒܹ̈ܐ، ܗܲܕܸܪ ܩܵܐ ܐܲܪܥܵܐ ܡܸܛܪܵܐ، ܡܲܓ̰ܝܸܢ ܥܲܠܔ ܛܘܼܪܹ̈ܐ ܓܸܠܵܐ. 
ܝܵܗܒܹܠܔ ܠܒܸܩܪܵܐ ܡܹܐܟ݂ܘܼܠܬܵܝܗ‌ܝ، ܠܙܲܥܝܹ̈ܐ ܕܥܘܼܪܒ݂ܵܐ ܕܟܹܐ ܩܵܪܝܼ. 
ܠܵܐ ܒܓܲܒܵܪܘܼܬܵ‌ܐ ܕܣܘܼܣܵܐ ܟܹܐ ܒܵܣܡܵܐ ܠܹܗ، ܠܵܐ ܒܐܲܩܠܹ̈ܐ ܕܐܢܵܫܵܐ ܟܹܐ ܩܲܒܸܠܔ ܗܸܢܝܵܢܵܐ. 
ܟܹܐ ܒܵܣܡܵܐ ܠܹܗ ܡܵܪܝܵܐ ܒܙܕܝܼܥܘܼ̈ܗ‌ܝ، ܒܐܵܢܝܼ ܕܣܵܦܪܝܼ ܠܛܲܝܒܘܼܬܹܗ. 
ܫܲܒܸܚܝ، ܝܵܐ ܐܘܿܪܸܫܠܸܡ، ܠܡܵܪܝܵܐ، ܡܲܐܣܸܩܝ ܗܲܠܸܠܘܼܝܵܐ ܠܐܲܠܵܗܵܟ݂ܝ، ܝܵܐ ܨܸܗܝܘܿܢ. 
ܣܵܒܵܒ ܚܘܼܠܸܢܵܝ ܠܹܗ ܕܵܒ݂ܪܹ̈ܐ ܕܕܲܪ̈ܘܵܙܵܟ݂ܝ، ܒܘܼܪܸܟ݂ ܠܹܗ ܠܒܢܘܿܢܵܟ݂ܝ̈ ܒܓܵܘܵܟ݂ܝ. 
ܟܹܐ ܡܲܬܸܒ݂ ܫܠܵܡܵܐ ܒܬܚܘܼܡܵܟ݂ܝ، ܒܫܲܡܝܼܢܘܼܬܵ‌ܐ ܕܚܸܛܹ̈ܐ ܟܹܐ ܡܲܣܒܸܥ ܠܵܟ݂ܝ. 
ܟܹܐ ܫܲܕܸܪ ܗܹܡܸܙܡܵܢܹܗ ܥܲܠܔ ܐܲܪܥܵܐ، ܓ̰ܲܠܕܹܐ ܟܹܐ ܪܵܚܹܛ ܚܲܒܪܹܗ. 
ܟܹܐ ܝܵܗܒܹܠܔ ܬܲܠܓܵܐ ܐܲܝܟ݂ ܥܲܡܪܵܐ، ܛܠܘܼܠܵܐ ܡܘܼܓܕܸܠܵܐ ܐܲܝܟ݂ ܩܸܛܡܵܐ ܟܹܐ ܒܵܙܹܩ. 
ܟܹܐ ܕܵܪܹܐ ܓܕܝܼܠܹܗ ܐܲܝܟ݂ ܦܸܪ̈ܬܘܼܚܹܐ، ܩܲܕܡ ܩܲܪܬܹܗ ܡܵܢܝܼ ܟܵܠܹܐ؟ 
ܟܹܐ ܫܲܕܸܪ ܚܲܒܪܹܗ ܘܟܹܐ ܡܲܦܫܸܪܗܘܿܢ، ܟܹܐ ܡܵܚܹܐ ܦܵܘܚܹܗ، ܟܹܐ ܓ̰ܵܪܝܼ ܡ̈ܝܼܵܐ. 
ܟܹܐ ܡܲܕܸܥ ܚܲܒܪܹܗ ܠܝܲܥܩܘܿܒ݂، ܩܵܢܘܿܢܘܼ̈ܗ‌ܝ ܘܕܝܼܘܵܢܘܼ̈ܗ‌ܝ ܠܐܝܼܣܪܵܐܹܝܠܔ. 
ܠܵܐ ܥܒ݂ܝܼܕ ܠܹܗ ܗܵܕܟ݂ܵܐ ܠܟܠܔ ܐܘܼܡܬܵ‌ܐ، ܘܕܝܼܘܵܢܘܼ̈ܗ‌ܝ ܠܵܐ ܝܕܝܼܥܵܝ ܠܗܘܿܢ. ܗܲܠܸܠܘܼܝܵܐ 
