﻿ܡܙܡܘܪ̈ܐ.
120.
ܠܡܵܪܝܵܐ ܒܥܵܘܩܵܢܝܼ ܩܪܹܐ ܠܝܼ، ܘܩܵܡ ܓ̰ܲܘܸܒ ܠܝܼ. 
ܝܵܐ ܡܵܪܝܵܐ، ܦܲܨܝܼ ܓܵܢܝܼ ܡ̣ܢ ܣܸܦܘܵܬܹ̈‌ܐ ܕܕܘܼܓܠܵܐ، ܡ̣ܢ ܠܸܫܵܢܵܐ ܕܦܸܠܡܵܐ. 
ܡܘܼܕܝܼ ܒܸܬ ܥܵܒܹܕ ܐܸܠܘܼܟ݂، ܘܡܘܼܕܝܼ ܒܸܬ ܡܲܙܝܸܕ، ܠܸܫܵܢܵܐ ܕܦܸܠܡܵܐ؟ 
ܓܹܐܪܹ̈ܐ ܚܲܪ̈ܝܼܦܹܐ ܕܓܲܒܵܪܵܐ، ܥܲܡ ܓܘܼܡܪܹ̈ܐ ܕܐܝܼܠܵܢܹ̈ܐ ܕܒܸܛܡܵܐ. 
ܘܵܝ ܐܸܠܝܼ ܒܗ̇ܝ ܕܗܘܹܐ ܠܝܼ ܡܵܫܵܚܲܛ ܒܡܹܫܲܟ، ܫܪܹܐ ܠܝܼ ܒܡܲܫܟܢܹ̈ܐ ܕܩܹܕܲܪ. 
ܝܪܝܼܟ݂ ܠܵܗ̇ ܥܲܠܝܼ ܥܡܵܪܬܵ‌ܐ ܕܓܵܢܝܼ، ܥܲܡ ܣܵܢܝܵܢܹ̈ܐ ܕܫܠܵܡܵܐ. 
ܐܵܢܵܐ ܒܵܬܪ ܫܠܵܡܵܐ ܝܘܸܢ، ܐܝܼܢܵܐ ܐܝܼܡܲܢ ܕܗܲܡܙܸܡܸܢ، ܐܵܢܝܼ ܒܵܬܪ ܦܠܵܫܵܐ ܝܢܵܐ. 
