﻿ܡܙܡܘܪ̈ܐ.
96.
ܙܡܘܿܪܘܼܢ ܠܡܵܪܝܵܐ ܙܡܵܪܬܵ‌ܐ ܚܲܕܬܵ‌ܐ، ܙܡܘܿܪܘܼܢ ܠܡܵܪܝܵܐ ܟܠܵܗ̇ ܐܲܪܥܵܐ. 
ܙܡܘܿܪܘܼܢ ܠܡܵܪܝܵܐ، ܒܲܪܟ݂ܘܼܢ ܠܫܸܡܹܗ، ܡܲܫܚܸܕܘܼܢ ܦܘܼܪܩܵܢܹܗ ܡ̣ܢ ܝܵܘܡܵܐ ܠܝܵܘܡܵܐ. 
ܗܲܩܹܝܡܘܼܢ ܓܵܘ ܐܸܡܘܵܬܹ̈‌ܐ ܐܝܼܩܵܪܹܗ، ܓܵܘ ܟܠܵܝܗ‌ܝ ܥܲܡܡܹ̈ܐ ܕܘܼܡܵܪ̈ܘܼܗ‌ܝ. 
ܣܵܒܵܒ ܓܘܼܪܵܐ ܝܠܹܗ ܡܵܪܝܵܐ ܘܡܫܘܼܒܚܵܐ ܝܠܹܗ ܪܵܒܵܐ، ܣܲܗܡܵܢܵܐ ܝܠܹܗ ܥܲܠܔ ܟܠܵܝܗ‌ܝ ܐܲܠܵܗܹ̈ܐ. 
ܣܵܒܵܒ ܟܠܵܝܗ‌ܝ ܐܲܠܵܗܹ̈ܐ ܕܥܲܡܡܹ̈ܐ ܨܵܢܲܡܹ̈ܐ ܣܪ̈ܝܼܩܹܐ ܝܢܵܐ، ܐܝܼܢܵܐ ܡܵܪܝܵܐ ܥܒ݂ܝܼܕ ܠܹܗ ܫܡܲܝܵܐ. 
ܚܸܩܪܵܐ ܘܙܲܗܝܘܼܬܵ‌ܐ ܩܲܕܡܘܼܗ‌ܝ ܝܢܵܐ، ܥܘܼܫܢܵܐ ܘܣܸܩܠܵܐ ܓܵܘ ܡܲܩܕܫܹܗ. 
ܗܲܒ݂ܠܘܼܢ ܠܡܵܪܝܵܐ، ܝܵܐ ܫܲܪ̈ܒܵܬܹ‌ܐ ܕܥܲܡܡܹ̈ܐ، ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܘܥܘܼܫܢܵܐ. 
ܗܲܒ݂ܠܘܼܢ ܠܡܵܪܝܵܐ ܐܝܼܩܵܪܵܐ ܕܫܸܡܹܗ، ܫܩܘܿܠܘܼܢ ܩܘܼܪܒܵܢܵܐ ܘܥܒ݂ܘܿܪܘܼܢ ܠܕܵܪ̈ܵܬܘܼܗ‌ܝ. 
ܣܓ݂ܘܿܕܘܼܢ ܠܡܵܪܝܵܐ ܒܣܸܩܠܵܐ ܕܩܘܼܕܫܵܐ، ܪܵܓܕܵܐ ܡ̣ܢ ܩܲܕܡܘܼܗ‌ܝ ܟܠܵܗ̇ ܐܲܪܥܵܐ. 
ܐܡܘܿܪܘܼܢ ܓܵܘ ܐܸܡܘܵܬܹ̈‌ܐ: ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ، ܐܘܼܦ ܡܘܼܩܘܝܼܬܵ‌ܐ ܝܠܵܗ̇ ܒܪܝܼܬܵ‌ܐ ܕܠܵܐ ܫܵܥܫܵܐ، ܒܸܬ ܕܵܐܹܢ ܠܥܲܡܡܹ̈ܐ ܒܬܪܘܼܨܘܼܬܵ‌ܐ. 
ܚܵܕܝܼ ܫܡܲܝܹ̈ܐ ܘܦܵܨܚܵܐ ܐܲܪܥܵܐ، ܒܲܪܒܸܪܵܐ ܝܵܡܵܐ ܘܡܸܠܝܘܼܬܘܼܗ̇. 
ܦܵܨܚܵܐ ܕܸܫܬܵ‌ܐ ܘܟܠܔ ܕܐܝܼܬ ܓܵܘܘܼܗ̇، ܗ̇ܝܓܵܗ ܒܸܬ ܩܲܘܸܚܝܼ ܟܠܵܝܗ‌ܝ ܐܝܼܠܵܢܹ̈ܐ ܕܡܲܝܫܵܐ 
ܩܲܕܡ ܡܵܪܝܵܐ؛ ܣܵܒܵܒ ܒܹܐܬܵܝܵܐ ܝܠܹܗ، ܣܵܒܵܒ ܒܹܐܬܵܝܵܐ ܝܠܹܗ ܠܸܕܝܵܢܵܐ ܠܐܲܪܥܵܐ، ܒܸܬ ܕܵܐܹܢ ܠܒܪܝܼܬܵ‌ܐ ܒܙܲܕܝܼܩܘܼܬܵ‌ܐ، ܘܠܥܲܡܡܹ̈ܐ ܒܡܗܘܼܡܢܘܼܬܹܗ. 
