﻿ܡܙܡܘܪ̈ܐ.
94.
ܝܵܐ ܐܲܠܵܗܵܐ ܫܵܩܠܵܢܵܐ ܕܬܘܼܥܠܵܐ، ܝܵܐ ܡܵܪܝܵܐ، ܝܵܐ ܐܲܠܵܗܵܐ ܫܵܩܠܵܢܵܐ ܕܬܘܼܥܠܵܐ، ܙܪܘܿܩ. 
ܦܘܼܫ ܪܝܼܡܵܐ، ܝܵܐ ܕܲܝܵܢܵܐ ܕܐܲܪܥܵܐ، ܡܲܕܸܪ ܦܘܼܪܥܵܢܵܐ ܥܲܠܔ ܚܵܬܪ̈ܵܢܹܐ. 
ܗܲܠܔ ܐܝܼܡܲܢ ܪ̈ܲܫܝܼܥܹܐ، ܝܵܐ ܡܵܪܝܵܐ، ܗܲܠܔ ܐܝܼܡܲܢ ܪ̈ܲܫܝܼܥܹܐ ܦܵܨܚܝܼ؟ 
ܟܹܐ ܓܲܒܓܸܒܝܼ، ܟܹܐ ܗܲܡܙܸܡܝܼ ܒܫܘܼܒ݂ܗܵܪܵܐ، ܟܹܐ ܚܵܬܪܝܼ ܒܓܵܢܵܝܗ‌ܝ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ. 
ܠܥܲܡܘܼܟ݂، ܝܵܐ ܡܵܪܝܵܐ، ܟܹܐ ܛܲܚܛܸܚܝܼ، ܘܠܝܵܪܬܘܼܬܘܼܟ݂ ܟܹܐ ܡܲܠܝܸܨܝܼ. 
ܠܐܲܪܡܸܠܬܵ‌ܐ ܘܠܡܵܫܵܚܲܛ ܟܹܐ ܩܵܛܠܝܼ، ܘܠܝܲܬܘܼܡܹ̈ܐ ܟܹܐ ܡܲܡܝܸܬ‌ܝܼ. 
ܘܟܹܐ ܐܵܡܪܝܼ: ”ܠܹܐ ܚܵܙܹܐ ܡܵܪܝܵܐ، ܘܐܲܠܵܗܵܐ ܕܝܲܥܩܘܿܒ݂ ܠܹܐ ܡܲܣܸܡ ܒܵܠܵܐ.“ 
ܡܲܣܸܡܘܼܢ ܒܵܠܵܐ، ܝܵܐ ܐܲܗܡܲܩܹ̈ܐ ܕܓܵܘ ܥܲܡܵܐ؛ ܐܝܼܡܲܢ ܒܸܬ ܦܲܪܡܹܝܬܘܿܢ، ܝܵܐ ܣܲܟ݂ܠܹ̈ܐ؟ 
ܢܵܨܒ݂ܵܢܵܐ ܕܢܵܬܵ‌ܐ، ܗܵܐ، ܠܹܐ ܫܵܡܹܥ؟ ܝܲܢ ܓܵܒ݂ܠܵܢܵܐ ܕܥܲܝܢܵܐ، ܗܵܐ، ܠܹܐ ܚܵܙܹܐ؟ 
ܬܲܠܡܸܕܵܢܵܐ ܕܐܸܡܘܵܬܹ̈‌ܐ، ܗܵܐ، ܠܹܐ ܡܲܢܟܸܣ، ܗ̇ܘ ܕܟܹܐ ܡܲܠܸܦ ܝܕܵܥܬܵ‌ܐ ܠܒܲܪܢܵܫܵܐ؟ 
ܡܵܪܝܵܐ ܟܹܐ ܝܵܕܹܥ ܚܘܼܫܵܒܹ̈ܐ ܕܐܢܵܫܵܐ ܕܣܪܝܼܩܘܼܬܵ‌ܐ ܝܢܵܐ. 
ܛܘܼܒ݂ܵܐ ܠܐܢܵܫܵܐ ܕܬܲܠܡܸܕܸܬ ܠܹܗ، ܝܵܐ ܡܵܪܝܵܐ، ܘܡ̣ܢ ܢܵܡܘܿܣܘܼܟ݂ ܡܲܠܦܸܬ ܠܹܗ، 
ܠܝܼܵܗܒܹܗ ܢܝܵܚܵܐ ܡ̣ܢ ܝܵܘܡܵܢܹ̈ܐ ܕܒܝܼܫܬܵ‌ܐ، ܗܲܠܔ ܕܦܵܐܹܫ ܚܦܝܼܪܵܐ ܓܘܼܒܵܐ ܠܪܲܫܝܼܥܵܐ. 
ܣܵܒܵܒ ܠܹܐ ܪܲܦܹܐ ܡܵܪܝܵܐ ܠܥܲܡܹܗ، ܘܠܝܵܪܬܘܼܬܹܗ ܠܹܐ ܫܵܒܹܩ. 
ܣܵܒܵܒ ܠܙܲܕܝܼܩܘܼܬܵ‌ܐ ܒܸܬ ܕܵܝܪܵܐ ܕܝܼܘܵܢ، ܘܒܸܬ ܐܵܙܠ݇ܝܼ ܒܵܬܪܘܼܗ̇ ܟܠܵܝܗ‌ܝ ܬܪ̈ܘܼܨܹܐ ܕܠܸܒܵܐ. 
ܡܵܢܝܼ ܒܸܬ ܩܵܐܹܡ ܩܵܬ‌ܝܼ ܕܲܠܩܘܼܒ݂ܠܔ ܕܥܵܒ݂ܕܵܢܹ̈ܐ ܕܒܝܼܫܬܵ‌ܐ؟ ܡܵܢܝܼ ܒܸܬ ܟܵܠܹܐ ܩܵܬ‌ܝܼ ܕܲܠܩܘܼܒ݂ܠܔ ܕܦܵܠܚܵܢܹ̈ܐ ܕܥܵܘܠܵܐ؟ 
ܐܸܢ ܠܵܐ ܗܵܘܹܐ ܗܘܵܐ ܡܵܪܝܵܐ ܗܲܝܲܪܬܵ‌ܐ ܐܸܠܝܼ، ܒܵܬܪ ܚܲܕܟ̰ܵܐ ܒܸܬ ܫܵܪܝܵܐ ܗܘܵܐ ܓܵܢܝܼ ܒܕܘܼܝܵܪܵܐ ܕܫܸܬܩܵܐ. 
ܐܸܢ ܐܡܝܼܪܝܼ: ”ܓ̰ܪܝܼܛ ܠܵܗ̇ ܐܲܩܠܝܼ،“ ܛܲܝܒܘܼܬܘܼܟ݂، ܝܵܐ ܡܵܪܝܵܐ، ܟܹܐ ܣܵܢܕܵܐ ܠܝܼ. 
ܟܲܕ ܙܵܝܕܝܼ ܚܲܡܝܼ̈ ܒܓܵܘܝܼ، ܒܘܼܝܵܐܘܼ̈ܟ݂ ܟܹܐ ܡܲܚܕܝܼ ܠܓܵܢܝܼ. 
ܗܵܐ، ܡܵܨܝܼ ܥܵܒ݂ܕܝܼ ܚܲܒ݂ܪܘܼܬܵ‌ܐ ܥܲܡܘܼܟ݂ ܫܘܼܠܛܵܢܹ̈ܐ ܕܛܠܘܼܡܝܵܐ، ܐܵܢܝܼ ܕܟܹܐ ܓܵܒ݂ܠܝܼ ܡܲܠܝܲܨܬܵ‌ܐ ܒܩܵܢܘܿܢܵܐ؟ 
ܘܟܹܐ ܓ̰ܵܡܥܝܼ ܥܲܠܔ ܓܵܢܵܐ ܕܙܲܕܝܼܩܵܐ، ܘܕܸܡܵܐ ܙܲܟܵܝܵܐ ܟܹܐ ܥܵܒ݂ܕܝܼ ܚܲܝܵܒ݂ܵܐ. 
ܐܝܼܢܵܐ ܗܘܹܐ ܠܹܗ ܡܵܪܝܵܐ ܐܸܠܝܼ ܩܲܠܥܵܐ، ܘܐܲܠܵܗ‌ܝܼ ܐܝܼܨܵܪܵܐ ܕܒܹܝܬ ܓܵܘܣܝܼ. 
ܘܒܸܬ ܡܲܕܸܪ ܥܲܠܵܝܗ‌ܝ ܥܵܘܠܵܝܗ‌ܝ، ܘܓܵܘ ܒܝܼܫܘܼܬܵܝܗ‌ܝ ܒܸܬ ܛܲܠܸܩ ܠܗܘܿܢ، ܒܸܬ ܛܲܠܸܩ ܠܗܘܿܢ ܡܵܪܝܵܐ ܐܲܠܵܗܲܢ. 
