﻿ܡܙܡܘܪ̈ܐ.
93.
ܡܵܪܝܵܐ ܒܸܥܒ݂ܵܕܵܐ ܝܠܹܗ ܡܲܠܟܘܼܬܵ‌ܐ، ܠܒ݂ܝܼܫܵܐ ܝܠܹܗ ܚܸܩܪܵܐ، ܠܒ݂ܝܼܫܵܐ ܝܠܹܗ ܡܵܪܝܵܐ ܥܘܼܫܢܵܐ ܘܚܠܝܼܨܘܼܗ̇ ܝܠܹܗ ܓܵܢܹܗ، ܐܘܼܦ ܡܘܼܩܘܝܼܬܵ‌ܐ ܝܠܵܗ̇ ܒܪܝܼܬܵ‌ܐ ܕܠܵܐ ܫܵܥܫܵܐ. 
ܡܘܼܩܘܝܼܵܐ ܝܠܹܗ ܟܘܼܪܣܝܘܼܟ݂ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ، ܡ̣ܢ ܥܵܠܲܡ ܐܲܢ݇ܬ ܝܼܘܸܬ. 
ܡܘܼܪܸܡ ܠܗܘܿܢ ܢܲܗܪ̈ܵܘܵܬܹ‌ܐ، ܝܵܐ ܡܵܪܝܵܐ، ܡܘܼܪܸܡ ܠܗܘܿܢ ܢܲܗܪ̈ܵܘܵܬܹ‌ܐ ܩܵܠܵܝܗ‌ܝ، ܡܲܪܘܼܡܹܐ ܝܢܵܐ ܢܲܗܪ̈ܵܘܵܬܹ‌ܐ ܓܲܒܓܲܒܬܵܝܗ‌ܝ. 
ܒܘܼܫ ܡ̣ܢ ܩܵܠܹ̈ܐ ܕܡ̈ܝܼܵܐ ܪܵܒܵܐ، ܒܘܼܫ ܡ̣ܢ ܠܲܦܹ̈ܐ ܙܲܪ̈ܒܵܢܹܐ ܕܝܵܡܵܐ، ܙܲܪܒܵܢܵܐ ܝܠܹܗ ܒܲܡܪܵܘܡܵܐ ܡܵܪܝܵܐ. 
ܣܵܗܕܘܵܬܘܼ̈ܟ݂ ܡܗܘܼܡܢܹ̈ܐ ܝܢܵܐ ܪܵܒܵܐ، ܠܒܲܝܬܘܼܟ݂ ܟܹܐ ܠܵܚܡܵܐ ܩܲܕܝܼܫܘܼܬܵ‌ܐ، ܝܵܐ ܡܵܪܝܵܐ، ܠܝܘܼܪܟ݂ܵܐ ܕܝܵܘܡܵܢܹ̈ܐ. 
