﻿ܡܙܡܘܪ̈ܐ.
92.
ܨܦܵܝܝܼ ܝܠܵܗ̇ ܠܫܲܟܘܼܪܹܐ ܠܡܵܪܝܵܐ، ܘܠܸܙܡܵܪܵܐ ܠܫܸܡܘܼܟ݂، ܝܵܐ ܥܸܠܵܝܵܐ. 
ܠܡܲܕܘܼܥܹܐ ܒܨܲܦܪܵܐ ܛܲܝܒܘܼܬܘܼܟ݂، ܘܒܠܲܝܠܵܘܵܬܹ̈‌ܐ ܡܗܘܼܡܢܘܼܬܘܼܟ݂، 
ܥܲܠܔ ܡܵܐܢܹ̈ܐ ܕܙܡܵܪܵܐ ܕܥܸܣܪܵܐ ܣܝܼܡܹ̈ܐ، ܘܥܲܠܔ ܩܝܼܬܵܪܵܐ، ܥܲܠܔ ܗܵܘܵܙ ܕܟܸܢܵܪܵܐ. 
ܒܗ̇ܝ ܕܩܵܡ ܡܲܚܕܹܝܬ ܠܝܼ، ܝܵܐ ܡܵܪܝܵܐ، ܒܦܘܼܠܚܵܢܘܼܟ݂، ܒܘܼܬ ܦܘܼܠܚܵܢܹ̈ܐ ܕܐܝܼܕܵܬܘܼ̈ܟ݂ ܒܸܬ ܫܲܒܚܸܢ. 
ܟܡܵܐ ܓܘܼܪܹ̈ܐ ܝܢܵܐ ܦܘܼܠܚܵܢܘܼ̈ܟ݂، ܝܵܐ ܡܵܪܝܵܐ، ܪܵܒܵܐ ܥܲܡܘܼܩܹ̈ܐ ܝܢܵܐ ܚܘܼܫܵܒ݂ܘܼ̈ܟ݂. 
ܐܢܵܫܵܐ ܫܹܐܕܵܢܵܐ ܠܹܐ ܝܵܕܹܥ، ܘܣܲܟ݂ܠܵܐ ܠܹܐ ܦܲܪܡܹܐ ܐܵܗܵܐ. 
ܐܝܼܡܲܢ ܕܒܲܪܛܸܢܝܼ ܪ̈ܲܫܝܼܥܹܐ ܐܲܝܟ݂ ܓܸܠܵܐ، ܘܦܵܩܚܝܼ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ، ܗܵܕܟ݂ܵܐ ܟܹܐ ܗܵܘܝܵܐ ܕܦܵܝܫܝܼ ܛܘܼܠܩܹܐ ܗܲܠܔ ܥܵܠܲܡ. 
ܐܝܼܢܵܐ ܐܲܢ݇ܬ ܪܵܡܵܐ ܝܘܸܬ ܠܥܵܠܲܡ، ܝܵܐ ܡܵܪܝܵܐ. 
ܒܗ̇ܝ ܕܗܵܐ، ܕܸܫ̃ܡܸܢܘܼ̈ܟ݂، ܝܵܐ ܡܵܪܝܵܐ، ܒܗ̇ܝ ܕܗܵܐ، ܕܸܫ̃ܡܸܢܘܼ̈ܟ݂ ܒܸܬ ܛܵܠܩܝܼ، ܒܸܬ ܦܵܝܫܝܼ ܒܘܼܪܒܸܙܹܐ ܟܠܵܝܗ‌ܝ ܦܵܠܚܵܢܹ̈ܐ ܕܥܵܘܠܵܐ. 
ܘܡܘܼܪܸܡ ܠܘܼܟ݂ ܩܲܪ݇ܢܝܼ ܐܲܝܟ݂ ܩܲܪ݇ܢܵܐ ܕܪܲܝܡܵܐ، ܦܝܼܫ ܠܝܼ ܡܫܝܼܚܵܐ ܒܡܸܫܚܵܐ ܚܵܕܬܵ‌ܐ. 
ܘܚܙܹܐ ܠܵܗ̇ ܥܲܝܢܝܼ ܙܵܟ݂ܘܼܬܵ‌ܐ ܠܕܸܫ̃ܡܸܢܝܼ̈، ܫܡܝܼܥ ܠܗܘܿܢ ܢܵܬܝܵܬ‌ܝܼ̈ ܒܘܼܬ ܩܵܝܡܵܢܹ̈ܐ ܥܲܠܝܼ، ܥܵܒ݂ܕܵܢܹ̈ܐ ܕܒܝܼܫܘܼܬܵ‌ܐ. 
ܙܲܕܝܼܩܵܐ ܐܲܝܟ݂ ܐܝܼܠܵܢܵܐ ܕܚܘܼܪ̈ܡܹܐ ܒܸܬ ܒܲܪܛܸܢ، ܐܲܝܟ݂ ܐܲܪ̈ܙܹܐ ܕܒܠܸܒ݂ܢܵܢ ܒܸܬ ܓܲܪܘܸܣ. 
ܫܬܝܼܠܹܐ ܝܢܵܐ ܒܒܲܝܬܵ‌ܐ ܕܡܵܪܝܵܐ، ܒܕܵܪ̈ܵܬܹ‌ܐ ܕܐܲܠܵܗܲܢ ܒܸܬ ܒܲܪܛܸܢܝܼ. 
ܗܸܫ ܒܸܬ ܡܲܝܬ‌ܝܼ ܛܥܘܼܢܬܵ‌ܐ ܒܣܲܝܒܘܼܬܵ‌ܐ، ܫܲܡܝܼܢܹ̈ܐ ܘܩܝܼܢܹ̈ܐ ܒܸܬ ܗܵܘܝܼ. 
ܠܡܲܕܘܼܥܹܐ ܕܬܪܘܼܨܵܐ ܝܠܹܗ ܡܵܪܝܵܐ، ܐܝܼܨܵܪܝܼ، ܘܠܲܝܬ ܥܵܘܠܵܐ ܒܝܼܹܗ. 
