﻿ܡܙܡܘܪ̈ܐ.
74.
ܩܵܡܘܿܕܝܼ، ܝܵܐ ܐܲܠܵܗܵܐ، ܩܵܡ ܡܲܚܦܸܠܸܬ ܠܲܢ ܠܥܵܠܲܡ؟ ܬܲܢܬܘܼܢܹܐ ܝܠܵܗ̇ ܚܸܡܬܘܼܟ݂ ܥܲܠܔ ܦܸܣܩܵܐ ܕܡܲܪܥܝܼܬܘܼܟ݂؟ 
ܕܟ݂ܘܿܪ ܠܟܢܘܼܫܝܘܼܟ݂ ܕܙܒ݂ܝܼܢܘܼܟ݂ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ، ܫܲܒ݂ܛܵܐ ܕܝܵܪܬܘܼܬܘܼܟ݂ ܕܦܘܼܪܸܩ ܠܘܼܟ݂، ܠܐܵܗܵܐ ܛܘܼܪܵܐ ܕܨܸܗܝܘܿܢ ܕܫܪܹܐ ܠܘܼܟ݂ ܒܝܼܹܗ. 
ܡܲܦܬܸܠܔ ܦܵܣܘܿܥܝܵܬܘܼ̈ܟ݂ ܠܓܹܒܵܐ ܕܚܵܪ̈ܵܒܹܐ ܕܥܵܠܲܡ، ܟܠܔ ܒܝܼܫܬܵ‌ܐ ܥܒ݂ܝܼܕ ܠܹܗ ܕܸܫ̃ܡܸܢ ܒܡܲܩܕܫܵܐ. 
ܓܘܼܪܓܸܡ ܠܗܘܿܢ ܕܸܫ̃ܡܸܢܘܼ̈ܟ݂ ܒܓܵܘܵܐ ܕܓ̰ܵܡܵܥܲܬܘܼܟ݂، ܡܘܼܩܸܡ ܠܗܘܿܢ ܐܵܬܘܵܬܵܝ̈ܗ‌ܝ ܐܲܝܟ݂ ܢܝܼܫܲܢܩܹ̈ܐ. 
ܗܘܝܼܹܐ ܝܗܘܵܘ ܐܲܝܟ݂ ܡܵܚܝܵܢܵܐ ܕܢܲܪ̈ܥܹܐ ܒܐܝܼܠܵܢܹ̈ܐ ܕܥܵܒ݂ܵܐ. 
ܘܐܵܕܝܼܵܐ، ܢܩܵܪ̈ܝܵܬܘܼܗ‌ܝ ܟܠܵܝܗ‌ܝ ܡܸܚܕܵܕܹ̈ܐ، ܒܚܵܨܝܼܢܹ̈ܐ ܘܢܲܪ̈ܥܹܐ ܛܲܚܛܘܼܚܹܐ ܝܢܵܐ. 
ܕܪܹܐ ܠܗܘܿܢ ܒܢܘܼܪܵܐ ܡܲܩܕܫܘܼܟ݂، ܠܐܲܪܥܵܐ ܫܚܝܼܡ ܠܗܘܿܢ ܡܲܫܟܢܵܐ ܕܫܸܡܘܼܟ݂. 
ܐܡܝܼܪܗܘܿܢ ܒܠܸܒܵܝܗ‌ܝ: ”ܙܵܠܡܲܚ ܠܟܠܵܝܗ‌ܝ.“ ܡܘܼܩܸܕ ܠܗܘܿܢ ܟܠܵܝܗ‌ܝ ܟܢܘܼܫܝܵܬܹ̈‌ܐ ܕܐܲܠܵܗܵܐ ܒܐܲܪܥܵܐ. 
ܢܝܼܫܲܢܩܹ̈ܐ ܐܸܠܲܢ ܠܹܐ ܝܘܲܚ ܒܸܚܙܵܝܵܐ، ܠܲܝܬ ܐܚܹܪܢܵܐ ܢܒ݂ܝܼܵܐ، ܘܠܲܝܬ ܥܲܡܲܢ ܚܲܕ ܕܝܵܕܹܥ ܗܲܠܔ ܐܝܼܡܲܢ. 
ܗܲܠܔ ܐܝܼܡܲܢ، ܝܵܐ ܐܲܠܵܗܵܐ، ܒܸܬ ܠܵܐܹܡ ܡܲܠܝܸܨܵܢܵܐ؟ ܒܸܬ ܡܲܣܚܸܪ ܕܸܫ̃ܡܸܢ ܒܫܸܡܘܼܟ݂ ܠܥܵܠܲܡ؟ 
ܩܵܡܘܿܕܝܼ ܡܲܕܘܼܪܹܐ ܝܘܸܬ ܐܝܼܕܘܼܟ݂ ܘܝܲܡܝܼܢܘܼܟ݂؟ ܡ̣ܢ ܓܵܘ ܥܘܼܒܘܼܟ݂ ܦܲܠܸܛ ܠܵܗ̇ ܘܛܲܠܸܩ ܠܹܗ. 
ܘܐܲܠܵܗܵܐ ܡܲܠܟܝܼ ܝܠܹܗ ܡ̣ܢ ܙܲܒ݂ܢܵܐ ܩܲܕܝܼܡܵܝܵܐ، ܦܵܠܚܵܢܹ̈ܐ ܕܦܘܼܪ̈ܩܵܢܹܐ ܒܓܵܘܵܐ ܕܐܲܪܥܵܐ. 
ܐܲܢ݇ܬ ܒܥܘܼܫܢܘܼܟ݂ ܟ̰ܠܝܼܦܵܐ ܠܘܼܟ݂ ܝܵܡܵܐ، ܬܒ݂ܝܼܪܘܼܟ݂ ܪܹ̈ܝܫܵܢܹܐ ܕܬܲܢܝܼܢܹ̈ܐ ܒܡ̈ܝܼܵܐ. 
ܐܲܢ݇ܬ ܛܒ݂ܝܼܚ ܠܘܼܟ݂ ܪܹ̈ܝܫܵܢܹܐ ܕܠܹܘܝܵܬܵܢ، ܩܵܡ ܝܵܗܒܹܬ ܠܹܗ ܡܹܐܟ݂ܘܼܠܬܵ‌ܐ ܠܥܲܡܵܐ، ܠܥܵܡܪ̈ܵܢܹܐ ܕܒܲܪܝܼܵܐ. 
ܐܲܢ݇ܬ ܡܘܼܦܩܸܥ ܠܘܼܟ݂ ܥܲܝܢܵܬܹ̈‌ܐ ܘܢܲܚܠܹ̈ܐ، ܐܲܢ݇ܬ ܡܘܼܒܪܸܙ ܠܘܼܟ݂ ܢܲܗܪ̈ܵܘܵܬܹ‌ܐ ܙܲܪ̈ܒܵܢܹܐ. 
ܕܝܼܘܼܟ݂ ܝܠܹܗ ܝܵܘܡܵܐ، ܐܘܼܦ ܕܝܼܘܼܟ݂ ܝܠܹܗ ܠܲܝܠܹܐ، ܐܲܢ݇ܬ ܫܘܼܬܐܸܣ ܠܘܼܟ݂ ܒܲܗܪܵܐ ܘܫܸܡܫܵܐ. 
ܐܲܢ݇ܬ ܡܘܼܬܸܒ݂ ܠܘܼܟ݂ ܟܠܵܝܗ‌ܝ ܬܚܘܼܡܹ̈ܐ ܕܐܲܪܥܵܐ، ܩܲܝܛܵܐ ܘܣܸܬܘܵܐ ܐܲܢ݇ܬ ܥܒ݂ܝܼܕܵܝ ܠܘܼܟ݂. 
ܕܟ݂ܘܿܪ ܐܵܗܵܐ، ܕܵܐܟ݂ܝܼ ܠܝܼܡ ܠܹܗ ܕܸܫ̃ܡܸܢ، ܝܵܐ ܡܵܪܝܵܐ، ܘܥܲܡܵܐ ܣܲܟ݂ܠܵܐ ܡܘܼܣܚܸܪܹܗ ܒܫܸܡܘܼܟ݂. 
ܠܵܐ ܝܵܗܒܹܬ ܓܵܢܵܐ ܕܓܘܼܪܓܘܼܡܘܼܟ݂ ܠܚܲܝܘܬܵ‌ܐ، ܠܵܐ ܡܲܢܫܹܝܬ ܚܲܝܹ̈ܐ ܕܡܸܣܟܹܢܘܼ̈ܟ݂ ܠܥܵܠܲܡ. 
ܚܘܼܪ ܠܘܲܥܕܵܐ، ܣܵܒܵܒ ܡܸܠܝܹܐ ܝܢܵܐ ܕܘܼܟܵܢܹ̈ܐ ܚܸܫܟܵܢܹ̈ܐ ܕܐܲܪܥܵܐ ܒܕܘܼܝܵܪܹ̈ܐ ܕܚܸܡܬܵ‌ܐ. 
ܠܵܐ ܕܵܐܹܪ ܡܘܼܠܝܸܨܵܐ ܟܲܕ ܢܟ݂ܝܼܦܵܐ، ܡܸܣܟܹܢܵܐ ܘܣܢܝܼܩܵܐ ܫܲܒܚܝܼ ܠܫܸܡܘܼܟ݂. 
ܩܘܼܡ، ܝܵܐ ܐܲܠܵܗܵܐ، ܥܒ݂ܘܿܕ ܕܝܼܘܵܢܘܼܟ݂، ܕܟ݂ܘܿܪ ܠܵܘܡܘܼܟ݂ ܡ̣ܢ ܣܲܟ݂ܠܵܐ ܟܠܹܗ ܝܵܘܡܵܐ. 
ܠܵܐ ܡܲܢܫܹܝܬ ܩܵܠܵܐ ܕܕܸܫ̃ܡܸܢܘܼ̈ܟ݂، ܫܓ݂ܘܼܫܝܵܐ ܕܩܵܝܡܵܢܹ̈ܐ ܕܲܠܩܘܼܒ݂ܠܘܼܟ݂ ܒܹܐܣܵܩܵܐ ܐܲܡܝܼܢܵܐܝܼܬ. 
