﻿ܡܙܡܘܪ̈ܐ.
62.
ܐܲܚܟ̰ܝܼ ܠܐܲܠܵܗܵܐ ܒܫܸܬܩܵܐ ܒܸܣܦܵܪܵܐ ܝܠܵܗ̇ ܓܵܢܝܼ، ܡܸܢܹܗ ܝܠܹܗ ܦܘܼܪܩܵܢܝܼ. 
ܐܲܚܟ̰ܝܼ ܗ̇ܘ ܝܼܠܹܗ ܐܝܼܨܵܪܝܼ ܘܦܘܼܪܩܵܢܝܼ، ܩܲܠܥܝܼ ܝܠܹܗ، ܗܲܪ ܠܹܐ ܫܵܥܫܹܢ. 
ܗܲܠܔ ܐܝܼܡܲܢ ܒܸܬ ܬܵܪܥܝܼܬܘܿܢ ܥܲܠܔ ܐܢܵܫܵܐ؟ ܟܠܵܘܟ݂ܘܿܢ ܒܵܥܹܝܬܘܿܢ ܠܸܩܛܵܠܵܐ ܐܸܠܹܗ، ܐܲܝܟ݂ ܓܘܼܕܵܐ ܓܸܢܝܵܐ، ܣܝܵܓ݂ܵܐ ܚܘܼܪܙܸܦܵܐ. 
ܐܲܚܟ̰ܝܼ ܥܒ݂ܝܼܕ ܠܗܘܿܢ ܡܸܠܟܵܐ ܠܸܛܪܵܕܹܗ ܡ̣ܢ ܪܵܡܘܼܬܹܗ، ܟܹܐ ܒܵܣܡܵܐ ܠܗܘܿܢ ܒܕܘܼܓܠܵܐ، ܒܦܘܼܡܵܝܗ‌ܝ ܟܹܐ ܒܲܪܟ݂ܝܼ، ܐܝܼܢܵܐ ܒܓܵܘܵܝܗ‌ܝ ܟܹܐ ܠܵܝܛܝܼ. ܣܹܠܵܗ 
ܐܲܚܟ̰ܝܼ ܠܐܲܠܵܗܵܐ ܒܫܸܬܩܵܐ ܣܦܘܿܪܝ، ܝܵܐ ܓܵܢܝܼ، ܣܵܒܵܒ ܡܸܢܹܗ ܝܠܹܗ ܣܲܒ݂ܪܝܼ. 
ܐܲܚܟ̰ܝܼ ܗ̇ܘ ܝܼܠܹܗ ܐܝܼܨܵܪܝܼ ܘܦܘܼܪܩܵܢܝܼ، ܩܲܠܥܝܼ ܝܠܹܗ، ܠܹܐ ܫܵܥܫܹܢ. 
ܥܲܠܔ ܐܲܠܵܗܵܐ ܝܠܹܗ ܦܘܼܪܩܵܢܝܼ ܘܐܝܼܩܵܪܝܼ، ܗ̇ܘ ܝܼܠܹܗ ܐܝܼܨܵܪܵܐ ܕܥܘܼܫܢܝܼ، ܒܹܝܬ ܓܵܘܣܝܼ ܒܐܲܠܵܗܵܐ. 
ܣܒܘܿܪܘܼܢ ܒܝܼܹܗ ܒܟܠܔ ܙܲܒ݂ܢܵܐ، ܝܵܐ ܥܲܡܵܐ، ܫܲܦܟ݂ܘܼܢ ܩܲܕܡܘܼܗ‌ܝ ܠܸܒܵܘܟ݂ܘܿܢ، ܐܲܠܵܗܵܐ ܒܹܝܬ ܓܵܘܣܵܐ ܝܠܹܗ ܩܵܬܲܢ. ܣܹܠܵܗ 
ܫܲܪܝܼܪܵܐܝܼܬ، ܣܪܝܼܩܘܼܬܵ‌ܐ ܝܢܵܐ ܒܢܲܝ̈ ܐܵܕܵܡ، ܕܘܼܓܠܵܐ ܝܢܵܐ ܒܢܲܝ̈ܢܵܫܵܐ، ܥܲܠܔ ܡܲܣܲܐܬܵ‌ܐ ܟܹܐ ܐܵܣܩܝܼ، ܐܵܢܝܼ ܥܲܠܔ ܚܕܵܕܹ̈ܐ ܒܘܼܫ ܩܲܠܘܼ̈ܠܹܐ ܝܢܵܐ ܡ̣ܢ ܢܫܲܡܬܵ‌ܐ. 
ܠܵܐ ܡܲܬܒ݂ܝܼܬܘܿܢ ܣܲܒ݂ܪܵܐ ܥܲܠܔ ܛܠܘܼܡܝܵܐ، ܘܒܚܛܘܼܦܝܵܐ ܠܵܐ ܗܵܘܝܼ ܠܵܘܟ݂ܘܿܢ ܬܘܼܟ݂ܠܵܢܵܐ ܣܪܝܼܩܵܐ، ܥܘܼܬܪܵܐ ܟܲܕ ܙܵܐܹܕ، ܠܵܐ ܡܲܬܒ݂ܝܼܬܘܿܢ ܠܸܒܵܐ ܥܲܠܘܼܗ‌ܝ. 
ܚܕܵܐ ܓܵܗܵܐ ܗܘܼܡܙܸܡ ܠܹܗ ܐܲܠܵܗܵܐ، ܐܲܢܹܐ ܬܲܪܬܹܝ ܫܡܝܼܥ ܠܝܼ، ܕܚܲܝܠܵܐ ܝܼܠܹܗ ܕܐܲܠܵܗܵܐ، 
ܘܕܝܼܘܼܟ݂ ܝܼܠܵܗ̇ ܛܲܝܒܘܼܬܵ‌ܐ، ܝܵܐ ܡܵܪܝܵܐ، ܒܗ̇ܝ ܕܐܲܢ݇ܬ ܟܹܐ ܦܵܪܥܹܬ ܠܐܢܵܫܵܐ ܐܲܝܟ݂ ܦܘܼܠܚܵܢܹܗ. 
