﻿ܡܙܡܘܪ̈ܐ.
3.
ܝܵܐ ܡܵܪܝܵܐ، ܟܡܵܐ ܙܝܼܕܹܐ ܝܢܵܐ ܡܲܠܝܸܨܵܢܝܼ̈، ܪܵܒܵܐ ܝܢܵܐ ܩܵܝܡܵܢܹ̈ܐ ܕܥܲܠܝܼ، 
ܪܵܒܵܐ ܝܢܵܐ ܐܵܡܪ̈ܵܢܹܐ ܒܘܼܬ ܓܵܢܝܼ: ”ܠܲܝܬ ܠܹܗ ܦܘܼܨܵܝܵܐ ܒܐܲܠܵܗܵܐ.“ ܣܹܠܵܗ 
ܐܝܼܢܵܐ ܐܲܢ݇ܬ، ܝܵܐ ܡܵܪܝܵܐ، ܡܵܛܵܠܵܐ ܝܘܸܬ ܠܚܵܕܸܪ̈ܘܵܢܝܼ، ܚܸܩܪܝܼ ܘܡܲܪܡܵܢܵܐ ܕܪܹܝܫܝܼ. 
ܒܩܵܠܝܼ ܠܡܵܪܝܵܐ ܟܹܐ ܩܵܪܹܝܢ، ܘܟܹܐ ܓ̰ܲܘܸܒ ܠܝܼ ܡ̣ܢ ܛܘܼܪܵܐ ܕܩܘܼܕܫܹܗ. ܣܹܠܵܗ 
ܐܵܢܵܐ ܟܹܐ ܕܵܡܟܹܢ ܘܛܵܠܥܹܢ، ܟܹܐ ܪܵܥܫܹܢ، ܣܵܒܵܒ ܡܵܪܝܵܐ ܟܹܐ ܣܵܢܹܕ ܠܝܼ. 
ܠܹܐ ܙܵܕܥܹܢ ܡ̣ܢ ܪܸ̈ܒܘܵܬܹ‌ܐ ܕܥܲܡܡܹ̈ܐ، ܐܲܝܢܝܼ ܕܟܪܝܼܟ݂ ܠܗܘܿܢ ܠܕܲܠܩܘܼܒ݂ܠܝܼ ܡ̣ܢ ܟܠܔ ܓܹܒܵܐ. 
ܩܘܼܡ، ܝܵܐ ܡܵܪܝܵܐ! ܦܲܪܸܩ ܠܝܼ، ܝܵܐ ܐܲܠܵܗ‌ܝܼ! ܣܵܒܵܒ ܡܸܚܝܵܝ ܝܘܸܬ ܟܠܵܝܗ‌ܝ ܕܸܫ̃ܡܸܢܝܼ̈ ܥܲܠܔ ܦܵܬܵܝܗ‌ܝ، ܟܹܟܹ̈ܐ ܕܒܝܼܫܹ̈ܐ ܬܒ݂ܝܼܪܵܝ ܝܘܸܬ. 
ܕܡܵܪܝܵܐ ܝܠܹܗ ܦܘܼܨܵܝܵܐ، ܥܲܠܔ ܥܲܡܘܼܟ݂ ܝܼܠܵܗ̇ ܒܘܼܪܟܬܘܼܟ݂. ܣܹܠܵܗ 
